മുക്കാല്‍ തട്ടിപ്പും, ബാക്കി വെട്ടിപ്പും, പൊടിക്കു കള്ളത്തരവും: വേറെ കുഴപ്പമൊന്നുമില്ല.

Thursday, March 22, 2007

";"--താത്ക്കാലിക വിരാമം...

കട്ടനടിച്ചും, കാജാ വലിച്ചും, എഴുതുന്ന വരികള്‍ പലര്‍ക്കും വായിക്കാന്‍ കഴിയുന്നില്ല എന്നറിഞ്ഞ സാഹചര്യത്തില്‍


ഒരു താത്ക്കാലിക വിരാമം...

Thursday, March 15, 2007

നാട്ടിലേയ്ക്ക്.....

"മാമലകള്‍ക്കപ്പുറത്ത്.....മരതകപ്പട്ടുടുത്ത്...കുമരകം എന്നൊരു നാടുണ്ട്...."

രണ്ടു മാസത്തെ കാത്തിരിപ്പിനു ശേഷം.....

ഞാനെന്റെ വീട്ടില്‍ പോകുവാണല്ലോ......

വിശേഷം ഒക്കെ വന്നിട്ടു പറയാം....

Tuesday, March 13, 2007

ഹരിശ്രീ... ഗണപതായേ..നമഹഃ

ആദ്യാക്ഷരത്തിന്റെ മധുരം

എല്‍. പി സ്കൂള്‍ ഹെഡ് മിസ്ട്ട്രെസ്സ് ആയി വിരമിച്ച അമ്മു ടീച്ചറാണു , 1987ലെ ഏതോ ഒരു നല്ല ദിവസം എന്നെ എഴുത്തിനു ഇരുത്തിയത്. കുത്തരിയില്‍ ആദ്യമായി എഴുതിയതു "ഈശോ മറിയം യൌസേപ്പേ" എന്നായിരിക്കണം. അ മുതല്‍ അം,അഃ വരെ അമ്മച്ചിയുടെ കൂടെ( അതു പറയാന്‍ മറന്നു, അമ്മു ടീച്ചര്‍ എന്റെ അപ്പന്റെ അമ്മയാണു കേട്ടോ...)എഴുതി തീര്‍ത്തപ്പോള്‍ എന്തായിരിന്നു വികാരം എന്നറിയില്ല, അഥവാ ഓര്‍മ്മയില്ല. പക്ഷെ, ആ ഐശ്വര്യം ഇന്നും കൈമോശം വന്നിട്ടില്ല എന്നാണു വിശ്വാസം.

ഇന്നു ഇതാ മറ്റൊരു എഴുത്തിനിരുത്ത്..ബ്ലോഗിന്റെ ലോകത്തില്‍ പിച്ച വച്ച് തുടങ്ങുന്നു..കാരണമായവര്‍ക്കും കൈപിടിച്ച് നടത്തിയവര്‍ക്കും ഈ വരികള്‍ ദക്ഷിണയാകട്ടെ...